Все словари

remissiya isim mal.-tib. lat. remissio - azalma, zəifləmə

1. Pulun məbləğinin azalmaya doğru yuvarlaqlaşdırılması. □ Remissiya hesablaması.

2. Xroniki xəstəliklərin əlamətlərinin zəifləməsi və ya tamamilə aradan qalxması ilə müşayiət olunan dövrü.

Bu əlamətlərin zəifləməsi və ya yoxa çıxmasından asılı olaraq tam və yarımçıq R. anlayışları işlədilir. □ Xəstəliyin remissiya dövrü.

reprezentasiya isim dipl. fr. representatif – nümunəvi, gözəgəlimlilik, təmtəraqlılıq

Təmsilçilik, nümayəndəlik, təmtəraq. □ Uğurlu reprezentasiya.

reproduktiv sifət tex. re... + produktio – istehsaletmə, əsər

Reproduksiya xüsusiyyətinə malik olmaq; artmaq, çoxalmaq. □ Reproduktiv üsullar.

respektabel sifət est. fr. respectable - şərəfli, dəyərli

Hörmətli, hörmətə layiq olan; sayılan, nüfuzlu, ləyaqətli; çox yaxşı olan. □ Respektabel görünüş.

restitusiya isim hüq.-tib. lat. restitutio – bərpa etmək

1. Hüquqi müqavilə növü; əqd bağlamış tərəflərin əvvəlki vəziyyətinə qaytarılması; pozulmuş hüququ bərpa etmə və dəymiş ziyanı ödəmə. □ Restitusiya qərarı.

2. Orqanizmin itirdiyi hissəni yenidən bərpa etmə qabiliyyəti. □  Hüceyrələrin restitusiyası.

revanşizm isim hərb. fr. revanchisme < revanche – intiqam, qisas

Qisas almaq; müharibədən əvvəlki sərhədləri bərpa etmək; məğlubiyyətin əvəzini çıxmaq üçün hazırlaşmaq.□ Revanşizmə rəvac vermək.

revyü isim inc. fr. revue – gözdən keçirmə, müşahidə etmə

Çeşidli musiqili sənət əsərlərinin xüsusiyyətlərini özündə birləşdirən populyar teatr tamaşası. □  Revyüyə baxmaq.

reyder isim hərb. ing. raider < raid - basqın, hücum

Okean və dəniz sularında müstəqil döyüş hücumları aparan və əsas məqsədi düşmənin hərbi-nəqliyyat, ticarət gəmilərini sıradan çıxarmaq olan hərbi, yaxud xüsusi olaraq  silahlandırılmış ticarət gəmisi. □ Reyder gəmiləri.

rotator isim tex. lat. rotator - fırlanmağa məcbur edən

Sənədlərin orta və kiçik tirajla çoxaldılması üçün trafaret çapı maşını.

Fırlanan silindrə bərkidilmiş, üzərinə mum çəkilmiş kağızdan və ya xüsusi lentdən hazırlanmış trafaretin köməyi ilə mətnlərin, çertyojların, şəkillərin artırılması üçün aparat. □ İrihəcmli rotator.

rum-servis isim ing. room – otaq + servis – xidmət

Mehmanxana nömrələrində yaşa-yanların arzusuna müvafiq olaraq restoranın gündəlik yeməkləri, sendviclər və hər cür içkilərin otaqlara gətirilməsi; otaq xidməti. □ Rum-servisə sifariş vermək.

rusifikasiya isim tar. rus. - ruslaşdırma

Çar Rusiyasında azlıqda qalan millətlərin yerli milli mədəniyyətlərini boğmaq, onları assimilyasiya etmək məqsədilə rus dilini və pravoslav dinini onların arasında zorla yaymaq siyasəti. □ Rusifikasiya siyasəti.

remediasiya isim inf. ing. təmizləmə

Medianın yenidən şəkillənməsi, bu ifadə konvergensiya və yeni mediaya sinonim kimi də anlaşılır.

Yeni texnoloji alətlər nəticəsində xəbərləmənin forma və məzmun olaraq dəyişmə sürəcini özündə əks etdirir.

reinkarnasiya isim lat. re — yenidən, incarnare — bədənə girmək

radara düşmək

rahat buraxmamaq