Словари
Dilçilik və ədəbiyyatşünaslıq terminləri lüğəti
qoşayarpaq qoşma
Qoşmanın nisbətən az təsadüf olunan növlərindən biri.
Adi qoşmadan fərqli olaraq qoşayarpaq qoşmada şeirin ikinci bəndindən başlayaraq birinci üç misrada daxili qafiyədən istifadə olunur. Aşıq Ələsgərin “Düşdü” adlı şeiri buna misal ola bilər:
Sevdiciyim, hanı gözəllər xanı?
Güzarımız sizin otağa düşdü.
Buyursan fərmanı, alalar canı,
Püşk atdıq, can sənə sadağa düşdü.
***
Sallan qələm qaşdı, yanı yoldaşdı,
Qalmışam taşdı, mən başı daşdı,
Huş başımdan çaşdı, dilim dolaşdı,
Gözləri sataşdı, buxağa düşdü.
***
Ətlazdan qəbalı, belində şalı,
Gövhərdən bahalı üzündə xalı,
Geydi yaşıl-alı, yaxdı mahalı,
Əyri tellər ayna qabağa düşdü.
Dilçilik və ədəbiyyatşünaslıq terminləri lüğəti