qeyri-verbal ünsiyyət

lat. verbalis – sözlü

İnformasiyanın sözdən istifadə etmədən ötürülmə üsullarının məcmusu.

Q-V.Ü.-in formalarına intonasiya, mimika, jestlər və s. daxildir. Bu cür kommunikasiya vasitələri auditoriyaya böyük təsir gücünə malikdir, odur ki televiziya jurnalistikasında onlara xüsusi əhəmiyyət verilir. Q-V.Ü.-in əsas «aləti» – insan bədənidir. Məhz bu səbəbdən ona çox vaxt «bədən dili» deyirlər.