torpaq coğrafiyası

yun. geo – Yer + yun. grapho – yazıram, təsvir edirəm

Torpaqların coğrafi yayılmasının qanunauyğunluqlarını öyrənən elm sahəsi, torpaqşünaslığın bir bölməsi.

Bu elm sahəsi iki istiqamətdə inkişaf edir: ümumi və regional T.C. Ümumi T.C. torpaqəmələgətirən amilləri və torpaqların coğrafi yayılmasının ümumi qanunauyğunluqlarını araşdırır. Regional T.C. torpaq rayonlaşdırması ilə əlaqədar məsələlərlə və ayrı-ayrı sahələrin torpaq örtüyü ilə məşğul olur.