Jurnalistika terminləri lüğəti

söz azadlığı

İnsanın istənilən məsələ ba­rədə öz fikir və düşüncələrinə malik olmaq, onları həm yazılı, həm də şifahi şəkildə sen­zurasız, sərbəst ifadə etmək hüququ.

Bu geniş anlayışa hər kəsin istədiyi infor­ma­siyaları, ideyaları axtarmaq, əldə etmək və ifadə formasından asılı olmayaraq yaymaq hüquqları da daxildir. Azərbaycanın qoşul­duğu beynəlxalq müqavilələrə və ölkənin konstitusiya aktlarına görə, S.A. yalnız qanunun yol verdiyi və buna ictimai zərurətin yarandığı hallarda – digər şəxslərin hüquq və azadlıqlarının, dövlət təhlükəsizliyinin, sağlamlığın, mənəviyyatın, ictimai təh­lü­kə­sizliyin qorunması məqsədilə məh­dud­laş­dırıla bilər. S.A. – ümumbəşəri fun­damental dəyər kimi bir tərəfdən konkret insanın fərdi inkişafı, onun cə­miy­yətdə özünü ifadə edə bilməsi üçün vacibdir, digər tərəfdən ölkədə demokratik dövlət idarəçiliyinin və sosial-iqtisadi in­kişafın təmin olunmasının əsas şərtidir. S.A. əsassız məhdudiyyətlərə məruz qoyulan cəmiyyətdə mətbuat azadlığı, müstəqil media mövcud ola bilməz.

Həmçinin bax:

• söz
• informasiya azadlığı
• fikir azadlığı
• ifadə azadlığı