empatiya

yun. empatheia – başqasının hislərini anlamaq

Başqa insanın emosional vəziyyətini, yaşantılarını öz vəziyyətin kimi hiss etmək, özünü həmsöhbətinin yerinə qoya bilmək bacarığı.

E. müəyyən ixtisas sahiblərinin – müəllimlərin, həkimlərin, jurnalistlərin, yazıçıların – peşə fəaliyyətində onlara gərək olan mühüm keyfiyyətdir. Xüsusilə hadisələrin birinci şəxsin adından nəql edildiyi oçerklərdə, esselərdə, memuarlarda və s.-də bu bacarıq materialın keyfiyyətinə güclü təsir göstərir.