Все словари

maqqaş [mak'qaş] isim ərəb 

1. Çox xırda şeyləri tutub götürmək, sıxmaq və ya qoparmaq üçün kiçik maşayaoxşar alət. □ Maqqaşla tük çəkmək.
2. Xəmirdən hazırlanan şirniyyatın üzünü naxışlamağa məxsus ağzıdilikli kiçik alət. □ Şəkərburalara maqqaşla naxış vurmaq.

maqqaşlama

maqqaşlamaq [mak'qaşdamax] feil

Maqqaş vurmaq, maqqaşla naxışlamaq.

maqqaşlanma

maqqaşlanmaq [mak'qaşdammax] feil

Maqqaşla naxışlanmaq, maqqaş vurulmaq. □ Şəkərburalar maqqaşlandı.

maqmatik [maqmatik'] sifət

Maqmadan ibarət olan; maqma halında olan; sıyıq, ərgin. □ Maqmatik süxurlar. Süxurun maqmatik halı.

maqnezium [maqneziyum] isim yunan 

Kimya. Yanarkən parlaq ağ alov verən gümüşü-ağ rəngli yüngül, kövrək metal – kimyəvi element.

maqneziya [maqneziya] isim

Kimya. Maqnezium duzu və ya oksidindən ibarət ağ poroşok (təbabətdə işlədilir). □ Ağ maqneziya.

maqnit [maqnit] isim yunan 

1. Bəzi cisimləri özünə çəkmək və itələmək xassəsinə malik cisim; ahənrüba. □ Neftimiz, pambığımız, benzinimiz, maqnitimiz; Güclənir, güclənirik qoşduğumuz cəbhədə biz. (M.Müşfiq)

2. Məcazi mənada: cazibə qüvvəsinə malik olan adam və ya şey haqqında. □ Mən qərib bir quşam, taleyim deyə; Sevgi maqnitindən qaça bilmərəm. (S.Tahir)

maqnitləmə

maqnitləmək [maqnitdəməx'] feil

Cismə maqnit xassəsi vermək, maqnitli etmək.

maqnitləndirilmə

maqnitləndirilmək [maqnitdəndirilməx'] feil

Maqnit xassəsi verdirilmək, maqnitli etdirilmək.

maqnitləndirmə