Все словари

ixtisarla [ixdisarnan] zərf

Müxtəsər, gödək, qısa, ixtisar şəklində. □ Məqaləni ixtisarla vermək.

ixtisarlama

ixtisarlamaq [ixdisarramax] feil

İxtisar etmək, azaltmaq, qısaltmaq.

ixtisarlanma

ixtisarlanmaq [ixdisarrammax] feil

İxtisar edilmək, azaldılmaq, qısaldılmaq.

ixtisas [ixdisas] isim ərəb

1. Elmin, texnikanın, sənətin, yaxud incəsənətin ayrıca sahəsi. □ İxtisas seçimi abituriyentləri düşündürən vacib məsələlərdəndir.
2. Xüsusi hazırlıq nəticəsində əldə edilmiş bilik, sənət, peşə. □ İxtisasını artırmaq.

ixtisaslandırılma

ixtisaslandırılmaq [ixdisasdandırılmax] feil

1. Yalnız bir xüsusi sahədə işləmək və ya istifadə olunmaq üçün uyğunlaşdırılmaq, hazırlanmaq.
2. İxtisas öyrədilmək, mütəxəssis edilmək.

ixtisaslandırma

ixtisaslandırmaq [ixdisasdandırmax] feil

1. Elmin və ya texnikanın hər hansı bir sahəsinə aid ixtisas vermək, bilik vermək, mütəxəssis etmək.
2. Yalnız bir xüsusi sahədə işləmək və ya istifadə olunmaq üçün uyğunlaşdırmaq, hazırlamaq.

ixtisaslanma

ixtisaslanmaq [ixdisasdammax] feil

İxtisas əldə etmək, sənət öyrənmək.

ixtisaslaşdırılma [ixdisasdaşdırılma] feil

Yalnız bir xüsusi sahədə işləmə və ya istifadə olunma üçün uyğunlaşdırılma, hazırlanma. □ İstehsalatın ixtisaslaşdırılması.

ixtisaslaşdırılmaq [ixdisasdaşdırılmax] feil

1. Yalnız bir xüsusi sahədə işləmək və ya istifadə olunmaq üçün uyğunlaşdırılmaq, hazırlanmaq. □ Cərgələr arasını becərən traktorlardan istifadə edilməsi işi ixtisaslaşdırılmalıdır.
2. İxtisas öyrədilmək, mütəxəssis edilmək.

ixtisaslaşdırma