qvardiya

lat. guardia – mühafizə, müdafiə

İmtiyazlı, seçmə qoşun növü, elit hərbi hissə.

Bu tip hərbi hissələr antik dövrlərdən mövcud olub, lakin Q. termini XII əsrdə yaranıb: ilk dəfə İtaliyada dövlət bayrağını mühafizə edən dəstə belə adlandırılıb. XV əsrdə Fransada, XVII əsrdə İngiltərə, İsveç və Prussiyada, XIX əsrdə Yaponiyada və digər dövlətlərdə Q. yaradılıb. Müasir dövrdə bir çox ölkələrdə dövlət başçısının mühafizə dəstəsi Q. adlanır.