Словари
Tarix terminləri lüğəti
qotlar
lat. Gothi, Gothones
Şərqi german tayfası.
Dil cəhətdən Q. şimali germanlara yaxın sayılırlar. Onlar eramızın əvvəllərində Baltik dənizinin cənub sahillərində və Visla çayının aşağı axarı boyunda yaşayıblar, II əsrin sonlarından cənub-şərq istiqamətində hərəkət edərək III əsrdə Qara dənizin şimal sahillərinə çatıblar və burada məskunlaşıblar. Burada Q. Dneprin aşağı axarında məskən salmış ostqotlara və Dnestr çayının aşağı axarı boyunda yerləşmiş vestqotlara bölünüblər. Daha yüksək mədəniyyətə sahib skif və sarmat tayfaları ilə qaynayıb-qarışması bu tayfanın inkişafına müsbət təsir göstərib. Q. digər tayfalarla ittifaqda Roma imperiyası hüdudlarına yürüşlər edərək 271-ci ildə Dakiyanı tutublar. IV əsrdə onlar xristianlığı qəbul ediblər. 375-ci ildə hunlar Q.-ın tayfa ittifaqını dağıdıblar.
Həmçinin bax:
Tarix terminləri lüğəti