Словари
Tarix terminləri lüğəti
parlamentarizm
Parlament idarəetməsinə əsaslanan dövlət quruluşu sistemi.
P.-də qanunverici və icraedici hakimiyyətlərin funksiyaları dəqiq sərhədlərə malik olur, parlament ölkənin idarəetmə sistemində üstün və imtiyazlı mövqe tutur. Ölkədə ali hakimiyyət parlamentin əlində cəmlənir. Hər hansı dövlətdə parlamentin mövcudluğu hələ orada P.-in olması demək deyil. Belə dövlət quruluşu sistemi yalnız parlamentli respublikalara və ya parlamentli monarxiyalara xasdır. Həmin sistemdə hakimiyyət institutlarının formalaşdırılması, onların fəaliyyətinə nəzarət funksiyası, eləcə də prezidentin seçilməsi səlahiyyəti parlamentə məxsusdur. Hazırda Böyük Britaniya, İtaliya, Almaniya, İspaniya, Yaponiya tipik P. ölkələri sayılır.
Tarix terminləri lüğəti