Dictionaries
Jurnalistika terminləri lüğəti
alqoritm jurnalistikası
Verilənlərin təhlili və başqa mətnlərin monitorinqi əsasında avtomatik üsullarla xəbər, məqalə hazırlanması sahəsində fəaliyyət.
Belə materialları xüsusi proqramlaşdırılmış kompüterlər – robotlar yazır. Alqoritm-məqalələr hazırlayan maşınlar vasitəsilə «jurnalistikanın robotlaşdırılması» deyilən prosesin başlanğıcı 2012-ci ildə ABŞ-da qoyulub. Los Angeles Times qəzetinin Quakebot adlı kompüteri daim seysmik mərkəzlə əlaqədədir, zəlzələ baş verən kimi özü xəbər tərtib edib redaktora yollayır. BBC-də alqoritm-robotlar müxtəlif mənbələrdən topladıqları informasiyalar əsasında idman yarışlarını işıqlandırırlar, bu zaman həm oyunun gedişini, həm də komandalar arasında qarşılaşmaların tarixini ani olaraq təhlil edirlər. The Guardian öz həftəlik nəşrini alqoritmlər vasitəsilə formalaşdırır: robotlar həftə ərzində dərc olunmuş ən populyar məqalələri seçib qısa müddətdə səhifələyirlər. Getdikcə A.J. mürəkkəbləşir: bəzi KİV-də robotlara mətnlərin redaktəsi də həvalə olunur.
Jurnalistika terminləri lüğəti