Azərbaycan şəxs adlarının izahlı lüğəti

FƏHMİYƏ ərəb.

fahm sözündəndir.

FƏHMİYYƏ

FƏXRƏNAZ ərəb-fars.

faxranaz sözündəndir.

FƏXRƏNAZ ərəb-fars.

faxranaz sözündəndir.

FƏXRNAZ

Bax: Fəxrənaz.

FƏXRƏNDƏ fars.

faxranda (əslində farxanda) sözündəndir.

Fəxrəndə qadın adı işi uğurlu gətirən, xoşbəxt, bəxti gətirən mənasını ifadə edir. Türkiyə türklərində Fərxundə formasındadır.

FƏXRƏNTAC ərəb-fars.

faxrantac sözündəndir.

Fəxrəntac qadın adı tacı ilə öyünən (xanım) mənasını ifadə edir. Adın təhrif olunmuş forması Fəxrintac da sonradan müstəqil qadın adları kimi rəsmiləşmişdir.

FƏXRİNTAC

FƏXRİYƏ ərəb.

faxriyya sözündəndir.

Fəxriyyə qadın adı orta əsrlərdə Şərq (o cümlədən Azərbaycan) ədəbiyyatında məsnəvi, qəzəl və s. formalarda şairin öz fəzilətlərindən, yaxşı sifətlərindən, xüsusən hünər və səxavətindən mədh şəklində bəhs edən şeir şəklinin adındandır.

FƏXRİYYƏ

FƏQİRƏ ərəb.

faqir sözündəndir.

Bu gün müasir Azərbaycan dilində fağır şəklində işlənən fəqir sözü dilimizdə aciz, yazıq, dinc, sakit mənalarını ifadə edir. Məişətimizdə həmişə ailədə qız övladı, xanımı sakit, dinc görmək istəmişlər. Buna görə də dünyaya gələn qız övlada yaxınları, valideynləri Fəqirə adı vermişlər. Bu gün çox nadir hallarda təsadüf edilən qadın adları sırasındadır.

FƏQUMƏ ərəb.

faquma sözündəndir.

Fəqumə qadın adı cah-calallı, böyük, ali mənasını ifadə edir.

FƏNARƏ yunan.

fanar sözündən olub, işıq saçan, aləmi işıqlandıran mənasındadır.

Fanar sözü dilimizə rus dili vasitəsilə keçmiş sözlərdəndir. Adın təhrif olunmuş forması Fanarə də sonradan müstəqil qadın adı kimi rəsmiləşmişdir.

FANARƏ

FƏR... fars.

farr sözündəndir.