Jurnalistika terminləri lüğəti

dövlət sirrinin mühafizəsi sistemi

dövlət tənzimləməsi

İctimai həyatın müx­təlif sahələrində, o cümlədən media sahəsində fəaliyyəti təşkil etmək və nizamlamaq üçün dövlət tərəfindən tətbiq olunan təsir mexanizmləri və üsullarının cə­mi.

dövlət yayımı

Dövlətin yaratdığı, ma­liyyələşdirdiyi, nəzarət etdiyi, o cümlədən ve­rilişlərin məzmununa müdaxilə edərək ni­zamladığı yayım növü.

dövlət yayımçısı

Dövlət orqanı tərəfin­dən təsis olunan və əsasən büdcədən ma­liyyələşdirilən teleradio təşkilatı.

D.Y.-nın əsasnaməsini icra hakimiyyəti orqanı təs­diq edir. Onun əsas vəzifəsi dövlətin və cəmiyyətin mənafeyinə yönəlmiş məlu­mat­landırıcı, maarifləndirici və əyləndirici proqramlar yayımlamaqdır.

dövrilik

Çap kütləvi informasiya vasitə­l­əri­nin buraxılış, radio və televiziya proqram­larının efirə çıxma tezliyi.

dövri mətbuat

dövri nəşr

dözümlülük

dublyaj

fr. doublage – ikiqat, ikiqat artır­maq

1. Filmin, verilişin orijinalda səs­ləndiyi dilin başqa dilə çevrilərək yenidən səsləndirilməsi.

2. Fonoqramın mətninin məzmun və mənası saxlanılmaqla başqa dildə səsləndirilməsi.

dünya xəbərləri

dünya radio yayım xidməti

Konkret ­öl­kəyə yönəldilməyən, dünyada geniş ya­yıl­mış dildə (dillərdə) radio yayımı sa­hə­sində fəaliyyət: məs., BBC-nin dünya yayım xid­məti.

düzəliş

1. Nəyinsə qismən dəyişilməsinə, ona əlavələr edilməsinə yönələn hərəkət, habelə bu hərəkətin nəticəsi.

2. Nəşrin ti­rajı yayılmazdan əvvəl mətndə son anda aşkar edilən yanlışlıqların aradan qal­dırıl­ması üçün görülən tədbir.

Bu məqsədlə mətnin səhv getmiş hissəsi (hissələri) düz­gün variantda «D.» başlığı altında ayrıca vərəqədə çap olunur və  nəşrə əlavə edilir, yaxud onun arasına qoyulur.

3. Kütləvi informasiya vasitəsində hər hansı yanlışlığa, yaxud təhrifə yol verildiyi aşkarlandıqda onun növbəti buraxılışında bu səhvin etiraf edilməsi və yanlışlığın aradan qaldırılması məqsədilə dərc olunan məlumat.

D. KİV-in öz təşəbbüsü, habelə yanlış mə­lumatın aid olduğu şəxsin, yaxud onun nü­ma­yən­dəsinin tələbi ilə verilə bilər. Yanlış in­formasiyanın aid olduğu şəxsin (onun nü­­­mayəndəsinin) səhv məlumat yayılan gün­dən bir ay müddətində belə tələblə çıxış etməsi mümkündür. KİV həmin tələbi aldığı gündən sonrakı ən yaxın bura­xı­lı­şında D.-lə çıxış etməli, yaxud 3 gün ­müd­­­­dətində əsas­landırılmış rədd cavabı ver­­­­məlidir. Rədd cavabı almış şəxsin məhkəməyə müraciət etmək hüququ var.

DV [di-vi] abreviatura

ing. Digital Video – «rəqəmsal video» sözlərinin baş hərflərindən ibarət abreviatura

Vizual və səsli məlumatların qeydə alınması üçün rəqəmsal format tipi.

Bu tipi Sony, Panasonic, Philips, Hitachi, JVC kimi məşhur videoavadanlıq is­teh­salçıları birgə hazırlayıb və 1990-cı illərin or­talarında təqdim edib. Televiziya sə­na­ye­sində belə standarta uyğun video­ka­me­ra, videokaset və video­­maqni­tofon­ları DV adlandırırlar. Formatın MiniDV, DVCAM, Digital 8, DVCPRO, DVCPRO50,  Digital S, HDV və s. növləri var.

DVB [di-vi-bi] abreviatura

ing. Digital Video Broadcasting – «rə­qəmsal video yayım» sözlərinin baş hərf­lərindən ibarət abreviatura

Rəqəmsal yayım standartları ailəsi.

Bu standartları dünyanın aparıcı telekompaniyaları və müvafiq avadanlıq istehsalçıları tərəfindən 1991-ci ildə yaradılmış, 1993-cü ildən DVB Project – Digital Video Broadcasting Pro­ject (rəqəmsal video yayım layihəsi) adı almış beynəlxalq konsorsium hazırlayıb. Standartlar tətbiq sahəsinə görə qruplara bö­lünür: DVB-S peyk yayımı, DVB-C kabel yayımı, DVB-T yerüstü efir yayımı, DVB-H mobil yayım üçün nəzərdə tutulub və s.

DVD [di-vi-di] abreviatura

ing. Digital Video Disc – «rəqəmsal vi­deodisk» və ya Digital Versatile Disc – «rəqəmsal çoxməqsədli disk» sözlərinin baş hərflərindən ibarət abreviatura