qəhrəman

Bədii əsərdə hadisələrin inkişafında rol oynayan əsas surətlərdən biri.

Q. ifadəsi insan surətləri ilə bağlı işlədilir və alleqorik obrazlara aid olunmur. Epizodik surətlərdən fərqli olaraq Q. əsərin ideyasının açılmasında mühüm rol oynayır. M.Füzulinin “Leyli və Məcnun” poemasında İbn Səlam, Leylinin anası, Məcnunun atası və d. obrazlar ədəbi qəhrəmanlardır.