Lüğət seçin
Coğrafiya terminləri lüğəti
barik depressiya
yun. baros – ağırlıq + lat. depressio – sıxılma, çökmə
Atmosferdə ətraf mühitə nisbətən alçaq təzyiq sahəsi.
Bu sahənin mərkəzində atmosfer təzyiqi aşağı olur, kənarlara doğru getdikcə isə təzyiq artır. B.D.-nın hərəkətsiz və hərəkətli, daimi və müvəqqəti, qapalı və açıq kimi formaları var. Ekvatorda Yerin səthinə yaxın hissədə hava həmişə qızdığı və yuxarı qalxdığı üçün daim hərəkətsiz B.D. müşahidə edilir. Soyuq və isti hava kütlələrinin toqquşduğu sahədə müvəqqəti açıq B.D. zonası yaranır. Əgər belə zonada hava fırlanırsa, siklon əmələ gəlir, siklonun mərkəzində qalan minimum təzyiq zonası – qapalı B.D. sahəsi onunla bərabər hərəkət edir.
Həmçinin bax:
Coğrafiya terminləri lüğəti