Lüğət seçin
Məsəllər, deyimlər
SOYUQ MÜHARİBƏ
►Birbaşa konfliktdən yayınaraq düşmənçiliyi başqa təzyiq üsulları ilə davam etdirmək, silahsız, qansız, əsasən, qarşı tərəfi tənqid etməklə aparılan psixoloji müharibə haqqında işlədilən ifadə.
İfadə Britaniyanın keçmiş baş naziri U.Çörçillin adı ilə bağlı yayılmışdır.
Bütün müharibələr tez-gec başa çatır. Müharibə bir tərəfin şəksiz məğlubiyyəti və ya tam məhvi ilə sonlana bilər. Amma II Dünya müharibəsindən sonra vəziyyət tamamilə başqa idi və qalib dövlətlər olan ABŞ və SSRİ arasında siyasi-ideoloji səbəblərə görə ciddi qarşıdurma, yəni «soyuq müharibə» başlanmışdı. Britaniyanın keçmiş baş naziri U.Çörçill də özünün məşhur Fulton çıxışında bu müharibə haqqında danışmışdı.
Amerika prezidenti Harri Trumenin (1884–1972) әn yaxın silahdaşlarından olan Bernard Barux (1870–1965) da 1949-cu il aprelin 17-dә «soyuq müharibә» ifadәsini işlәtmiş və bu ifadә ilә yalnız SSRİ və ABŞ arasında yox, hәm dә, ümumiyyәtlә, müxtәlif ictimai sistemli dövlәtlәr arasındakı qarşılıqlı әlaqәlәri nәzәrdә tutmuşdu.
«Soyuq müharibə» ifadәsinin әsl müəllifi isә Amerika publisisti Uolter Lippman (1889–1974) sayılır. O, 1947-ci ildə Amerika–SSRİ qarşıdurmasından bəhs edən «Soyuq müharibə» kitabını dərc etdirdi. Əsərdə həmin ifadənin mahiyyəti bir neçə aspektdən izah olunurdu.
Məsəllər, deyimlər