Lüğət seçin
Jurnalistika terminləri lüğəti
ictimai əlaqələr
Əsas məqsədi dövlət orqanları və ictimai funksiyalar yerinə yetirən təşkilatların qərarlarının siyasi, iqtisadi və sosial həyat üçün əhəmiyyəti, gözlənilən nəticələri barədə cəmiyyəti məlumatlandırmaqdan, qarşılıqlı ünsiyyət yaratmaqdan ibarət fəaliyyət növü.
İ.Ə. bir tərəfdən dövlət və qeyri-hökumət strukturları, kommersiya təşkilatları, digər tərəfdən isə cəmiyyət arasında münasibətlərin tənzimlənməsinə xidmət edir. Mahiyyətcə eyni olan İ.Ə. və «pablik rileyşnz» terminləri Azərbaycan dilində praktik istifadədə fərqli məna çalarlarına malikdir. «Pablik rileyşnz» («piar») daha çox birtərəfli təsir forması, İ.Ə. isə dialoq kimi başa düşülür. Məhz buna görə, məsələn, «qara piar» anlayışı mövcuddur, «qara İ.Ə.» isə deyilmir.
Jurnalistika terminləri lüğəti