Azərbaycan dilinin izahlı lüğəti

təbrikləmək [təbrikləməx'] feil

Təbrik etmək.

təbriknamə [təbrikna:mə] isim ərəb/fars

Yazılı təbrik, təbrik məktubu. □ Yubiley münasibətilə təbriknamə göndərmək.

təcavüz [təca:vüz] isim ərəb

1. Başqa bir dövlətin ərazisini zəbt etmək, azadlığını əlindən almaq və ya məhdudlaşdırmaq, demokratiyanı boğmaq və irticaçı rejimlər yaratmaq məqsədilə onun üzərinə hücum etmə, həmlə, basqın. □ Düşmənin qəfil hava təcavüzünə uğramamaq üçün uzun-uzadı əsgər sıraları səkilərdə divar dibi ilə yeriyirdi. (Ə.Əbülhəsən).
2. Zorakılıq, təzyiq, zülm, sıxıntı; hüququna toxunma, haqsızlıq etmə, haqsızlığa yol vermə. □ Yasavulbaşı bilirdi ki, bəlkə də xan özünə qarşı edilən sui-qəsdi əfv edə bilər, amma elə, xalqa qarşı təcavüzü əsla bağışlamaz. (M.Rzaquluzadə).

təcavüzçü [təca:vüzçü]

təcavüzçülük [təca:vüzçülüx']

təcavüzkar [təca:vüzkar] sifət ərəb/fars

1. Təcavüz edən, təcavüz (hücum) edən tərəf; qəsbkar, təcavüzçü. □ Təcavüzkar bloklar.
2. İsim kimi: təcavüz edən, təcavüz (hücum) edən tərəf; qəsbkar, təcavüzçü.

təcavüzkarca [təca:vüzkarca] zərf

Təcavüzkar kimi; qəsbkarcasına; düşməncəsinə. □ Təcavüzkarca hərəkət etmək.

təcavüzkarcasına [təca:vüzkarcasına]

təcavüzkarlıq [təca:vüzkarrıx] isim

Təcavüz etmə, təcavüz siyasəti, başqa dövlətin torpağını tutmaq üçün onun üzərinə hücum etmə; qəsbkarlıq. □ İmperializm təcavüzkarlığı.

təcəddüd [təcəddüt] isim ərəb

Yenilənmə, təzələnmə.

Şu al bоya azadlığın, təcəddüdün fərmanı,

Mədəniyyət bulmalı. (C.Cabbarlı)

təcəlla [təcəlla] isim ərəb

Əyan olma, görünmə, təzahür etmə.

təcəssüm [təcəssüm] isim ərəb

Bir şeyin maddi, cismani ifadəsi, təzahürü.

təchiz [təchiz] isim ərəb

Lazımi şeyləri tədarük etmə, hazırlayıb vermə.

təchizat [təchizat] isim ərəb

Hər hansı təşkilat və ya əhalinin maddi ehtiyaclarını təmin etmək üçün lazım olan şeylərin, avadanlıq və s.-nin məcmusu. □ ..Bu üsul texniki təchizat, material cəhətdən varlı olan trestlər üçündür. (Mir Cəlal).

təchizatçı [təchizatçı] isim

Təchizat orqanları işçisi, təchizat idarəsi işçisi, təchiz etməklə məşğul olan (idarə, işçi).