Talmud

ivr. – hərfi mənası: öyrənmə

İudaizmin ehkamlarının, eləcə də dini-etik və hüquqi müddəalarının külliyyatı.

E.ə. IV əsr – eramızın V əsrində qismən qədim yəhudi, qismən də arami dilinin dialektlərində formalaşdırılmış T.-da əxlaq və hüquq barədə düşüncələr, dünyanın yaranması haqqında əfsanələr, tibb, astronomiya və coğrafiyaya aid məlumatlar öz əksini tapıb. Burada yəhudilərin dini, mülki və ailə həyatını tənzimləyən normalar əks olunub. T.-un ən qədim hissəsi Mişna (Təkrar) adlanır.