Bütün lüğətlər

rişxəndçi [rişxəntçi] isim

Hər şeyə rişxənd edən, adamı ələ salan; adamoynadan, masqaraçı, istehzaçı.

rişxəndedici [rişxəntedici]

rişxəndlə [rişxəntnən] zərf

Ələ salaraq, masqara ilə, istehza ilə; rişxənd ilə. □ Şahin birdən qəhqəhə çəkdi, rişxəndlə əlini tovladı.. (V.Şıxlı).

rişxəndli [rişxəntdi] sifət

Rişxənd bildirən, rişxənd ifadə edən; istehzalı. □ Rişxəndli gülüş.

rişxəndyana [rişxəntyana]

riştə [rişdə] isim fars

1. Klassik ədəbiyyatda əriştə mənasında işlənmişdir. □ İki batman riştə kəssə on nəfər övrət yığar; Zəhrimar olsun həmi riştən, həmi yarman, bacı. (M.Möcüz).

2. Məcazi mənada: tel, bağ, rabitə. □ ..qələmlərindən hər nə zühurə gəlibsə, demək olar ki, can riştəsi ilə və ürək qanı ilə təhrir və tənzim olunubdur. (F.Köçərli).

riştə-riştə [rişdə-rişdə] zərf

Nazik-nazik, əriştə kimi. □ ..Doğrayın məni riştə-riştə. (H.Cavid).

ritm [ritm] isim yunan

1. Bir şeyin (hərəkətin) bu və ya başqa şəkildə növbələnməsi; müntəzəmlik.

2. Səs, nitq və s. ünsürlərinin təkrarlanmasında müəyyən ardıcıllıq; ahəng, vəzn. □ Musiqinin ritmi.

ritmik [ritmik'] sifət yunan

Ritmə tabe olan, müəyyən ritmlə ifa edilən; ahəngli, vəznli, müntəzəm. □ Ritmik hərəkət. Ritmik muğam.

ritmika [ritmik'a] isim yunan

1. Ritmin sistem və xüsusiyyəti. □ Musiqinin ritmikası.

2. Ritm haqqında elm.

3. Ritm duyğusu aşılamaq məqsədilə edilən bədən hərəkətləri sistemi.

rivanol [rivanol] isim latın

Tibb. Antimikrob təsirli dərman preparatı.

riya [riya] isim ərəb

İkiüzlülük. □ Məsciddə həsiri eləmə aləti-təzvir; Mərdanə qədəh tut, bu riyadən dəxi ar et. (S.Ə.Şirvani).

riyakar [riya:kar] sifət ərəb/fars

1. İkiüzlü. □ Lakin vətən və xalq düşməni olan riyakar xanlar xəyanət yolu ilə Nadirə mane olurlar. (M.Arif).

2. İsim kimi: ikiüzlü. □ Mən hara, qaraya ağ demək hara? Mən ki düşmən idim riyakarlara. (B.Vahabzadə).

riyakarcasına [riya:karcasına] zərf

Riyakarlıqla, ikiüzlülüklə. □ Riyakarcasına hərəkət etmək.

riyakarlıq [riya:karrıx] isim

İkiüzlülük. □ Çökür abidəsi qanlı çarlığın; Çökür məhkəməsi riyakarlığın. (M.Müşfiq).