All dictionaries

qantökən [qantökən] isim

Qatil, adam öldürən, cani. □ Qantökən öz tökdüyü qana cavab vermədi. (B.Vahabzadə).

qanun¹ [qa:nun] isim ərəb

1. İctimai və hüquqi münasibətlərin hər hansı bir sahəsini nizama salmaq üçün dövlət tərəfindən müəyyən edilən qərar, nizamnamə. □ Əmək haqqında qanunlar. Cəza qanunu.

2. Hamı üçün məcburi olan üsul, nizam, qayda. □ Əxlaq qanunları. İmla qanunları.
3. Obyektiv aləmin hadisələri arasında müəyyən qaydada təzahür edən zəruri əlaqə və qarşılıqlı asılılıq, səbəb və nəticə arasında mövcud olan daxili əlaqə. □ Təbiət qanunları.

qanun ² [qa:nun] isim ərəb

Yaxın və Orta Şərq ölkələrində geniş yayılmış uzunsov dördbucaq taxta üzərində gərilmiş simlərdən ibarət musiqi aləti.

qanunauyğun [qa:nunauyğun] sifət

Qanuna müvafiq, qanun ilə düz gələn; təsadüfi deyil, obyektiv qanun üzrə əmələ gələn, qanuna tabe olan. □ Hadisələrin qanunauyğun inkişaf etməsi.

qanunauyğunluq [qa:nunauyğunnux] isim

Hadisələr arasında mövcud olan zəruri əlaqə, obyektiv qanunlardan asılılıq. □ Hadisələrin qanunauyğunluğu. İnkişafın qanunauyğunluqları.

qanunçu [qa:nunçu]

qanunçuluq [qa:nunçulux] isim

1. Hökumət qanunlarını yaxşı bilmə; hüquqşünasliq.

2. Qanunlara, nizam və qaydalara tabe olma, onları lazımınca yerinə yetirmə.
3. İctimai həyat və fəaliyyətin qanunlarla təmin olunduğu vəziyyət.

qanunən [qa:nunən] zərf ərəb

Qanuna uyğun olaraq, qanun üzrə, qanuna görə. □ Qanunən rəftar etmək.

qanuni [qa:nuni] sifət ərəb

Qanuna müvafiq, qanuna uyğun, qanuna əsaslanan, qanunun yol verdiyi. □ Qanuni rəftar. Qanuni hərəkət.

qanuniləşdirilmə

qanuniləşdirilmək [qa:nuniləşdirilməx'] feil

Qanuna uyğunlaşdırılmaq, qanuna müvafiq bir hala salınmaq, qanuni şəklə salınmaq, qanuni qüvvə verilmək.

qanuniləşdirmə

qanuniləşdirmək [qa:nuniləşdirməx'] feil

Qanuna uyğun bir hala salmaq, qanuni şəklə salmaq, qanun qüvvəsi vermək.

qanunilik [qa:nunilix'] isim

Qanuna uyğunluq, qanuna müvafiqlik. □ Məhkəmə hökmünün qanuniliyi.

qanuniyyət [qa:nuniyyət] isim ərəb

1. Qanunilik, qanuna uyğunluq, qanuni olma.

2. İctimai həyat və fəaliyyətin qanunlarla təmin olunduğu vəziyyət.

qanun-qayda [qanun-qayda]