Bütün lüğətlər

şaxımaq [şaxımax] feil

Güclü təsir etmək, vurmaq. □ Qarabağın isti günü şaxıdıqca az qala ağızlarda dili də qurudurdu. (Ə.Vəliyev).

şaxis [şa:xis] isim ərəb

Geodeziya. Yer səthi nöqtələrinin nisbi yüksəkliyini təyin etmək üçün alət; nivelir.

şaxlama [şaxlama] isim

şaxlamaq [şaxlamax] feil

1. Ləklərə şax vurmaq, ləkləri şaxla ayırmaq.
2. Şax döşəmək, şaxla örtmək. □ Xəndəyin kənarlarını şaxlamaq.

şaxlanma

şaxlanmaq [şaxlammax] feil

1. Lovğalanmaq, təkəbbürlənmək, iddialanmaq, kəkələnmək. □ Lal Hüseyn ürəklənib şaxlandı. (M.İbrahimov).
2. Şax dayanmaq, dikəlmək. □ ...Kəyan ayağa qalxdı və ufultu ilə bir şaxlanıb belini dikəltdi. (Ə.Əbülhəsən).
3. Dal ayaqları üzərinə qalxmaq, şahə qalxmaq (at).

şaxlı [şaxlı] sifət

1. Şax, şaxı olan, qatlanmamış. □ Şaxlı parça.
2. Şaxı, qolu olan, qollu-budaqlı. □ Şaxlı ağac.

şaxlı-budaqlı  [şaxlı-budaxlı] sifət

Çoxlu şaxı, budağı olan, qollu-budaqlı. □ ...şaxlı-budaqlı ağac tapıb üstünə çıxdı ki, orada gecə yatsın. (S.S.Axundov).

şaxlıq  [şaxlıx] isim

Şax şeyin (parçanın) halı. □ Paltara şaxlıq vermək üçün nişastalayırlar.

şaxmala [şaxmala] isim

Şaxlardan düzəldilmiş primitiv mala.

şaxsey [şaxsey] nida

Fəlakətli, dəhşətli, faciəli bir hadisə qarşısında çıxarılan fəryad səsi. □ Şaxsey və şivən səsi asimana bülənd olmuşdu. (Ə.Haqverdiyev).

şaxsey-vaxsey [şaxsey-vaxsey] isim

İlahiyyat. Məhərrəmlikdə imam Hüseynin qətli günlərində şiələrin mərsiyə, növhə oxuya-oxuya başlarına, sinələrinə vurub şivən qoparma mərasimi (sözün əsli “Şah, Hüseyn! Vah, Hüseyn!”-dir). □ Şaxsey-vaxsey sədası eşidilir. (Ə.Haqverdiyev).

şaxşax [şaxşax] isim

Silkələdikdə içərisindəki xırda daşlardan səs çıxan uşaq oyuncağı. □ Uşaq üçün şaxşax almaq.

şaxta [şaxda] isim

şaxta [şaxta] isim alman

1. Faydalı qazıntıların çıxarıldığı və yeraltı işlərin aparıldığı yer. □ Metro tikintisi şaxtası. 
2. Elektrotexnika. Bəzi konstruksiyalarda uzun, vertikal boşluq.