Bütün lüğətlər

üçcildlik [üçciltdix'] sifət

1. Üç cilddən ibarət olan; üçcildlik.□ Üçcildlik “Rusca-azərbaycanca lüğət”.

2. İsim kimi: üç cilddən ibarət kitab.□ Yazıçının üçcildliyi.

üççarxlı [üççarxlı] sifət

Üç çarxı (təkəri) olan. □ Üççarxlı uşaq velosipedi.

üçdəbir [üçdəbir] say

Bir şeyin üçdə bir hissəsi.

üçdəfəlik [üçdəfəlix'] sifət

Üç dəfədə icra olunan, üç dəfədə həyata keçirilən. □ Üçdəfəlik yemək.

üçdilli [üçdilli] sifət

1. Üç dil bilən, üç dildən istifadə edən.

2. Üç dildə tərtib olunmuş, üç dili ehtiva edən. □ Üçdilli lüğət.

üçdişli [üçdişdi] sifət

Üç dişi olan. □ Üçdişli yaba.

üçdorlu [üçdorru] sifət

Üç doru olan. □ Üçdorlu gəmi.

üç-dörd [üç-dörd] say

Bir neçə, üç və ya dörd. □ Üç-dörd günlüyə getmək. Üç-dörd ədəd gül.

üçdüymə [üçdüymə] sifət

1. Üç düymə ölçüsündə olan. □ Üçdüymə mıx. Üçdüymə taxta.

2. Üç düyməsi olan. □ Üçdüymə pencək.

üçdüyməli [üçdüyməli]

üçəm [üçəm] sifət

1. Dialekt. Bir dəfədə üç (üç bala doğan heyvan – əsasən qoyun haqqında). □ Üçəm qoyunlar.

2. Dialekt. Zərf kimi: bir dəfədə üç (üç bala doğan heyvan – əsasən qoyun haqqında). □ Elə seçmə qoyunlar ki çoxusu əkiz, bəzisi də həmişə üçəm doğur. (B.Bayramov).

üçəm-üçəm [üçəm-üçəm]

üçəsrlik [üçəsrrix'] sifət

Üç əsr (üç yüz il) tarixi olan, üç əsr davam edən; üçyüzillik. □ Üçəsrlik dövr. Abidənin üçəsrlik tarixi var.

üçfaizli [üçfa:yizdi] sifət

1. Bir şeyin üç faizini təşkil edən. □ Üçfaizli gəlir.

2. Üç faiz gəlir verən. □ Üçfaizli dövlət istiqrazı.

3. Tərkibində üç faiz hər hansı maddə olan. □ Üçfaizli məhlul.

üçfazalı [üçfazalı] sifət

Elektrotexnika. Üçfazalı dəyişən cərəyanla bağlı olan. □ Üçfazalı transformator. Üçfazalı elektrik xətti.