Azərbaycan dilinin dialektoloji lüğəti

kıtıl¹

Cəbrayıl, Meğri, Zəngilan

Baramaqurduna vermək üçün qırılmış tut çubuqlarının kəsilib atılan yoğun və yarpaqsız hissəsi. □ Biz bağımızdan üç araba kıtıl yığdıx (Cəbrayıl).

kıtıl²

Ağcabədi, Füzuli

Təzə doğmuş heyvanın ilk südündən bişirilən yemək. □ Kətəməznən kıtıl bir sözdü (Ağcabədi); Dünən Aydıngildə kıtıl yedix' (Füzuli).

kıtıl-kıtıl

Qazax

Xırda-xırda. □ Qəndi kıtıl-kıtıl doğroyrux.

kıtıra

Meğri

Boğaz heyvanın əmcəyindən çıxan maye. □ İnəyin əmcəyinnən hala kıtıra da çıxmey.

kici

Zaqatala

İlmək.

kico

Kürdəmir

Kico vırmax: vurnuxmaq, o yan-bu yana hərlənmək. □ To:ğun murtdası var, kico vırır.

kiçi

Cəbrayıl, Kürdəmir, Mingəçevir, Zəngilan

Baramaqurdunun üçüncü yuxusu. □ Bizim qurdumuz kiçini indi yatır (Cəbrayıl); Qurdum indi-indi kiçiyə yatır (Zəngilan).

kif

Salyan

Kəfrəm, mitil. □ Yorğa:n kifi köhnəlib.

kifkiməx'

Şərur

kiflə

Ordubad, Culfa

Külbə, təndirin havaçəkən yeri. □ Təndirin havaçəkən yerinə kifilə deyərıx (Culfa).

kifsiməx'

Mingəçevir, Naxçıvan

Kiflənmək, xarab olmaq. □ Meyvə çox qalsa kifisiyər (Mingəçevir).

kikoy

Hamamlı

kil

Yardımlı, Salyan

Küt. □ Kil balta odun kəsmey.

kilağord

Cəlilabad

İri bıçaq. □ Quşın başın kilağordnan kəsdüg.

kilan

Quba

Qapını bağlamaq üçün daldan keçirilən və ya ona söykədilən taxta. □ Gid kilanı qapının dalna quy gəl.

kilar

Basarkeçər

Yemək şeyləri saxlanılan sərin yer. □ Tez xarafi olan yeməx' şeylərini kilara yığırıx; Həm kilar de:rix', həm də sərinnix.